Nuèit de la Lectura 2021 a Dèime (31) : jòc de pista per trapar libres

A Dèime, per causa de cobrifuòc, la Nuèit de la Lectura se jogarà fòra-bibliotèca, per carrièras, mas pas la nuèit ! Aqueste dissabte 23 de genièr, en jornada, doncas, lo Lector del Val escampilharà un fum de libres pel vilatge e los vilatgeses seràn invitats a los cercar (e a los trapar), de 6 oras del matin a 6 oras del ser. Aqueles libres portaràn lo nom de còde DEY. Los primièrs jogaires que daissaràn un comentari sus la pagina del siti :
https://www.lecteurduval.org/livre-qui-court/accueil-commentaires.php o dins la bóstia de las letras de l'associacion, al 1 carrièra de Pompertuzat, recebràn un "chèque-lire" dins l'encastre de l'operacion "Nuèit de la Lectura".